Í áfanganum er lögð áhersla á að nemendur kynnist möguleikum sem bjóðast að loknu námi í framhaldsskóla varðandi frekara nám, störf og tómstundir. Einnig verður fjallað um mismunandi búsetuform og heimilishald. Þá er fjallað um réttindi, ábyrgð og skyldur einstaklinga sem þátttakenda í lýðræðissamfélagi.
Nemandi skal hafa öðlast þekkingu og skilning á:
möguleikum til frekara náms
• ferli atvinnuleitar
mikilvægi frístundastarfa og félagslegrar virkni
mismunandi búsetuformum
heimilisrekstri
heilsusamlegu líferni
því að vera virkur og ábyrgur þátttakandi í lýðræðissamfélagi
Nemandi skal hafa öðlast leikni í að:
leita eftir upplýsingum um frekara nám
sækja um atvinnu
leita eftir upplýsingum um tómstundir
leita eftir upplýsingum um opinbera þjónustu
sinna heimilishaldi
tjá eigin skoðanir og vilja
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir því námi sem stendur til boða að loknum framhaldsskóla
taka þátt í atvinnulífinu
• nýta sér tómstunda- og félagsstörf sem í boði eru
gera sér grein fyrir mismunandi búsetuformum
leysa af hendi ýmis verk sem tengjast heimilishaldi
velja heilbrigðan lífstíl
koma skoðunum sínum á framfæri
Námsmat er útfært í námsáætlun í samræmi við skólanámskrá