Í áfanganum er lögð áhersla á að nemendur kynnist grunneiningum samfélagsins þar sem fjallað er um samspil einstaklings og samfélags. Áhersla er lögð á að nemendur öðlist þekkingu á umhverfi sínu og geti tekið þátt í umræðum um málefni sem eru efst á baugi hverju sinni. Sérstök áhersla verður á félagsmótun einstaklingsins almennt, málefni fjölskyldunnar, kynhlutverk og stjórnmál. Einnig verður fjallað um félagsfræðina sem fræðigrein og helstu frumkvöðlar hennar kynntir.
Nemandi skal hafa öðlast þekkingu og skilning á:
algengum hugtökum félagsfræðinnar
tengslum einstaklings og samfélags
ólíkum félagsmótunaraðilum
mismunandi fjölskyldugerðum
hvernig staðalmyndir og fjölmiðlar móta hegðun fólks
fordómum og birtingarformum þeirra í samfélaginu
stjórnkerfi Íslands
Nemandi skal hafa öðlast leikni í að:
mynda sér skoðanir á meðvitaðan og gagnrýnan hátt
beita þekkingu sinni til að ræða um félagsfræðileg efni
nýta sér miðla til að fylgjast með samfélagslegum málefnum
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig um samfélagsleg málefni
taka þátt í málefnalegum umræðum um ólíka félagsmótunaraðila
skoða eigin félagsmótun
þekkja og geta rætt um fordóma sem birtast í samfélaginu
Námsmat er útfært í námsáætlun í samræmi við skólanámskrá