Í áfanganum eru nemendur undirbúnir undir atvinnuþátttöku. Þeir kynnast fyrirtækjum og stofnunum í nærsamfélaginu svo og mismunandi atvinnutækifærum í víðu samhengi. Þeim verður gerð grein fyrir helstu reglum sem gilda á vinnustöðum, réttindum og skyldum launþega og mikilvægi góðra samskipta. Einnig verður lögð áhersla á hlutverk stéttarfélaga, úrlestur launaseðla og undirbúning fyrir starfsviðtal. Námið fer fram á fjölbreyttan hátt, t.d. með ýmis konar verkefnavinnu, umræðum, vettvangsferðum og gestafyrirlestrum frá fulltrúum atvinnulífsins, verkalýðsfélögum o.fl.
STAS1XA02
Nemandi skal hafa öðlast þekkingu og skilning á:
að launakjör eru mismunandi eftir starfshlutfalli og ráðningarsamningum
réttindum og skyldum fólks á vinnumarkaði
atvinnutækifærum á Íslandi og erlendis
tilgangi starfs og mikilvægi þess í tengslum við önnur störf
hvaða leiðir hann hefur til að fá það starf sem hann óskar eftir
Nemandi skal hafa öðlast leikni í að:
flokka atvinnufyrirtæki eftir eðli þeirra
þekkja sterkar hliðar sínar í tengslum við starfsval
hafa sjálfstraust til að takast á við ný verkefni
fylgja reglum á vinnustað, t.d. varðandi hreinlæti og öryggismál
vera meðvitaður um eigin réttindi á vinnustað
lesa af launaseðli
átta sig á orlofsgreiðslum, lífeyrisréttindum og veikindarétti
búa til eigin ferilskrá
sækja sér upplýsingar frá launþegasamtökum
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja mismunandi starfsheiti og hlutverk þeirra
gera sér grein fyrir samhengi milli atvinnugreina
meta þau atriði sem taka ber tillit til við starfsval
gera sér grein fyrir réttindum sínum og skyldum á vinnumarkaði
nýta sér upplýsingar á launaseðli
fara í starfsmannaviðtal
taka þátt í atvinnulífinu
tilheyra starfsmannahópi
velja sér starf við hæfi
Í áfanganum er viðhaft fjölbreytt námsmat sem felst í mati á verkefnavinnu, umræðum, virkni í tímum og mætingu.