Í áfanganum er lögð áhersla á að auka skilning nemenda á sjálfum sér og tilfinningum sínum. Unnið er að því að skoða og styrkja sjálfsmynd nemenda. Fjallað er um fjölskylduna, vini, félagslíf, gildismat og lífsstíl.
Engar
Nemandi skal hafa öðlast þekkingu og skilning á:
sjálfum sér og lífshlaupi sínu
tilfinningum sínum og mikilvægi þess að vinna úr þeim og tjá þær
gildi sterkrar sjálfsmyndar og áhrifum hennar á hann og umhverfi hans
tengslum hans við fjölskyldu og vini og mikilvægi þess að rækta vina- og fjölskyldutengsl
mikilvægi félagslífs
hvers virði gildismat og lífsstíll eru og hvað hefur áhrif á hvort tveggja
Nemandi skal hafa öðlast leikni í að:
skoða sjálfan sig og lífshlaup sitt
tjá tilfinningar sínar
vera meðvitaður um sjálfsmynd sína og áhrifaþætti hennar
kynnast nýju fólki og vera fær um að rækta vini og fjölskyldu
taka þátt í félagslegum samskiptum
greina almenna þætti gildismats og vera ábyrgur neytandi
afla sér fjölbreyttra upplýsinga og vinna með þær
vinna sjálfstætt og með öðrum
ræða um afmarkmörkuð viðfangsefni af umburðarlyndi og virðingu fyrir sjónarmiðum annarra
koma fram fyrir hóp og kynna áhugamál sitt
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um sjálfan sig og verði færari um að taka ábyrgð á eigin lífi
styrkja sjálfsmynd sína og taka ábyrga stefnu í lífi sínu
eiga góð tengsl við fjölskyldu og vini og vera virkur í félagslegum samskiptum
standa með sjálfum sér í ákvörðunum sínum en jafnframt að sýna sveigjanleika
Áfanginn er próflaus. Mikið er lagt upp úr þátttöku í umræðum og virkni í tímum. Virkni og verkefnavinna eru metin til einkunnar; einkunnagjöf er staðist/fallið auk umsagnar.
Góð mæting og stundvísi, vinnusemi og vandvirkni eru forsendur þess að góður árangur náist.