Í áfanganum er lögð áhersla á að nemendur kynnist lífi Íslendinga fyrr og nú. Fjallað verður um daglegt líf fólks, heimilishætti, atvinnuhætti, tónlist, siði og venjur. Einnig verður skoðað hvernig samfélagið hefur breyst í tímans rás. Fjölbreyttar nálganir og sköpun verður virkjuð. Nemendur nýta sér hljóðbækur og talgervla við námið.
Nemandi skal hafa öðlast þekkingu og skilning á:
mikilvægi þess að þekkja til sögunnar
breytingum sem orðið hafa á lífi fólks á Íslandi
merkum tækniframförum
tengslum fortíðar og nútíðar
Nemandi skal hafa öðlast leikni í að:
kynna sér söguna
tjá skoðanir sínar
miðla þekkingu sinni á skipulagðan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir sögulegri þróun
gera sér grein fyrir lífi fólks fyrr og nú
gera sér grein fyrir tæknibreytingum
Námsmat er útfært í námsáætlun í samræmi við skólanámskrá