Lögð er áhersla á að nemendur þekki heiminn, heimsálfurnar og helstu lönd innan þeirra. Nemendur velja sér stað erlendis til að ferðast á og kynna sér sérstaklega s.s. veður- og gróðurfar, tungumál, stjórnarhætti, mannfjölda og sögu.
Engar
Nemandi skal hafa öðlast þekkingu og skilning á:
heimsálfunum og fjölbreyttum löndum heims
einkennum nokkurra landa, s.s.tungumál, loftslag og gróðurfar
þeim mun sem er á iðnríkjum og þróunarlöndum, bæði hvað varðar atvinnuhætti, siði og menningu
Nemandi skal hafa öðlast leikni í að:
vinna sjálfstætt og með öðrum og koma þekkingu sinni á framfæri
afla fjölbreyttra upplýsinga, greina og vinna með þær
útbúa ferðaáætlun til fjarlægra landa
vinna sjálfstætt og með öðrum
ræða um ólíkar þjóðir og lönd af umburðarlyndi og virðingu fyrir sjónarmiðum annarra
koma fram fyrir hópinn og kynna verkefni sín
Nemandi skal geta hagnýtt þá almennu þekkingu og leikni sem hann hefur aflað sér til að:
staðsetja heimsálfurnar á landakorti og þekkja helstu sérkenni þeirra
þekkja helstu lönd og einkenni þeirra
lesa landakort og bera saman ólík svæði í heiminum
vera fær um að bera saman atvinnuhætti, siði og menningu ólíkra þjóða
Áfanginn er próflaus. Mikið er lagt upp úr þátttöku í umræðum og virkni í tímum. Virkni og verkefnavinna eru metin til einkunnar; einkunnagjöf er staðist/fallið auk umsagnar.
Góð mæting og stundvísi, vinnusemi og vandvirkni eru forsendur þess að góður árangur náist.