Í áfanganum er lögð áhersla á að nemandinn geti nýtt stærðfræðikunnáttu sína til að gera sínar eigin fjárhagsáætlanir. Nemandinn þjálfist meðal annars í að lesa út úr launaseðlum, geri sér grein fyrir kostnaði við rekstur bifreiðar og hvað kostar að lifa (fatnaður, skemmtanir, snyrtivörur o.s.frv). Stefnt er að því að nemandinn átti sig á hvernig skynsamlegt er að haga ákvörðunum í fjármálum. Efnisþættir sem liggja til grundvallar og hversu ítarlega er farið í þá fer eftir forsendum nemandans til náms.
Efnisþættirnir eru eftirfarandi:
• hugtakið fjármálalæsi og hvers vegna það er mikilvægt
• fjárhagsáætlanir þ.e. hvernig er hægt að láta sumarkaupið endast
• bókhald og hvernig nemandinn getur nýtt það í eigin þágu
• bifreiðakaup og ýmiss kostnaður því samfara
• rekstur bifreiðar s.s. eldsneyti, tryggingar, bifreiðagjöld og viðhald
• bankaviðskipti t.d. hvað kostar að taka lán, greiðslukort og leiðbeiningar við notkun þeirra, ábyrgðir, vanskil, vanskilaskrá
• launaseðlar þ.e. skattur, orlof, vinnutími, ráðstöfunartekjur, launatengd gjöld
• kaup á internetinu m.a. skattar og innflutningsgjöld
STÆR1SB05
Nemandi skal hafa öðlast þekkingu og skilning á:
hugtakinu fjármálalæsi
fjárhagsáætlunum og mikilvægi þess að halda utan um fjármál sín
kostnaði vegna bifreiðakaupa
kostnaði sem hlýst af rekstri bifreiðar
helstu þáttum bankaviðskipta sem snúa að ungmennum
að lesa úr launaseðlum
hvað felst í kaupum á internetinu
Nemandi skal hafa öðlast leikni í að:
kostnaðarútreikningum vegna bifreiðakaupa
útreikningum á rekstri bifreiðar
helstu þáttum bankaviðskipta
að lesa úr launaseðlum
að halda einfalt bókhald fyrir einstakling
áætlanagerð um útgjöld
Nemandi skal geta hagnýtt þá almennu þekkingu og leikni sem hann hefur aflað sér til að:
sjálfstæður í eigin fjármálum og átta sig á að tekjur verði að nægja fyrir útgjöldum
meðvitaður um gildi peninga
meðvitaður um kostnað sem getur fylgt lántöku og viðskiptum
Í áfanganum er viðhaft fjölbreytt mat alla önnina m.a. eru þátttaka í umræðum um stærðfræði og virkni í tímum metin til einkunnar. Stærsti hluti lokaeinkunnar er byggður á verkefnamöppu nemenda