Í áfanganum er lögð áhersla á kynjafræði. Staða og hlutverk karla og kvenna í samfélaginu er skoðuð. Fjallað er um stöðu kynjanna á ýmsum sviðum samfélagsins og um kynbundið ofbeldi og klámvæðingu. Einnig er karlmennska, kvenleiki, vændi, mansal, útlitsdýrkun, staðalímyndir, fordómar og mýtur teknar til umfjöllunar.
Nemandi skal hafa öðlast þekkingu og skilning á:
stöðu karla og kvenna í íslensku samfélagi fyrr og nú - réttindum sínum varðandi jafnréttismál og að jafnrétti varði alla - ýmsum hugtökum í kynjafræði, s.s. kynjakvóti, mansal og útlitsdýrkun - aðstöðu fólks varðandi vændi og mansal
Nemandi skal hafa öðlast leikni í að:
greina samfélagið með kynjagleraugum - taka þátt í umræðum um tiltekin efni og koma skoðunum sínum og hugmyndum á framfæri - líta á veröldina út frá sjónarhorni kyns og kynferðis - beita gagnrýninni hugsun - afla sér fjölbreyttra upplýsinga, greina og vinna með þær og mynda sér skoðanir á meðvitaðan og gagnrýninn hátt - vinna sjálfstætt og með öðrum - koma fram fyrir hóp og kynna verkefni sín
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um áhrif jafnréttisbaráttunnar fyrr og nú - taka þátt í fordómalausri og opinni umræðu um stöðu kynjanna í samfélaginu - styrkja sjálfsvitund sína og vera færari um að taka ábyrgð á eigin lífi - átta sig á að val þeirra í lífinu hefur áhrif á samfélagið
Áfanginn er próflaus. Mikið er lagt upp úr þátttöku í umræðum og virkni í tímum. Virkni og verkefnavinna eru metin til einkunnar; einkunnagjöf er staðist/fallið auk umsagnar.
Góð mæting og stundvísi, vinnusemi og vandvirkni eru forsendur þess að góður árangur náist.