Áfanginn getur verið verklegur og bóklegur eða eingöngu verklegur, sniðið eftir getu hvers og eins.
Í bóklega hlutanum er farið yfir helstu flokka næringarefna og mikilvægi góðs mataræðis fyrir líkamann. Einnig er skoðað hvaða skaðlegu áhrif áfengi, tóbak og vímuefni hafa á líkamann.
Fjallað er um líkamlega, andlega og sálræna þætti sem skipta máli fyrir heilsu okkar og í framhaldi skoðað hvaða þýðingu það hefur að búa við góða heilsu.
Í verklega hlutanum er lögð áhersla á að nemendur finni sér hreyfingu og verkefni við hæfi.
ÍÞRÓ1XA03
Nemandi skal hafa öðlast þekkingu og skilning á:
mikilvægi hreyfingar fyrir góða heilsu - mikilvægi góðs mataræðis fyrir heilsuna og sem hluta af þjálfun - fæðuflokkunum og hvernig við getum nálgast helstu næringarefni - hvað felst í því að búa við góða félagslega og sálræna heilsu - hversu mikilvæg forvörn reglubundin hreyfing er fyrir ýmsa andlega og líkamlega sjúkdóma
Nemandi skal hafa öðlast leikni í að:
gera greinarmun á hollu og óhollu fæði - nýta sér mismunandi möguleika til hreyfingar og heilsueflingar
Nemandi skal geta hagnýtt þá almennu þekkingu og leikni sem hann hefur aflað sér til að:
nemandi geti nýtt sér þekkingu sína til að viðhalda og bæta líkamlega heilsu
Nemendur skila verkefnum eftir getu og færni hvers og eins. Auk þess er mæting, virkni og frumkvæði í verklegum tímum metið.