Í áfanganum er lögð áhersla á að nemendur læri enskan orðaforða sem tengist fréttum, ferðaþjónustu og ferðalögum s.s. á flugvöllum, hótelum og á veitingastöðum. Nemendur þjálfast í einföldum samræðum, skiltalestri og læra algeng orðasambönd. Áhersla er lögð á að efla sjálfstæði nemenda á ferðalögum erlendis.
Nemandi skal hafa öðlast þekkingu og skilning á:
mikilvægi þess að geta bjargað sér á ensku
algengum orðum og orðasamböndum
skiltum og leiðbeiningum í umhverfinu
flugvallarumhverfi
ýmsum aldurs- og áhugamiðuðum hugtökum
hagnýtri notkun stafrænna tækja
Nemandi skal hafa öðlast leikni í að:
lesa á helstu skilti sem tengjast ferðaþjónustu
nota ensku sér til framdráttar á ferðalögum
nýta sér upplýsingar í umhverfinu sem tengjast ferðaþjónustu
nota orðaforða sem tengist ferðalögum
beita viðeigandi hjálpargögnum við úrvinnslu ýmiskonar verkefna
Nemandi skal geta hagnýtt þá almennu þekkingu og leikni sem hann hefur aflað sér til að:
ferðast erlendis
sýna sjálfstæði á ferðalögum erlendis
lesa í og nýta sér upplýsingar á ferðalögum
nýta orðaforðann sem áfanginn byggir á
Námsmat er útfært í námsáætlun í samræmi við skólanámskrá