Lögð er áhersla á líkamsrækt í tækjasal og hópíþróttir. Unnið verður með styrk, úthald og heilsueflingu. Markmiðið er að nemendur geti sjálfir stundað íþróttir sér til ánægju og heilsubótar. Spjaldtölvur eða snjallsímar eru mikilvæg hjálpargögn. Einnig verður lögð áhersla á geðrækt. Unnið verður með þá þætti sem tengjast geðheilsu og geðvernd.
Nemandi skal hafa öðlast þekkingu og skilning á:
gildi hreyfingar
uppbyggingu líkamsræktartíma
tækjum í tækjasal
gildi hópíþrótta
mikilvægi geðræktar
mikilvægi jákvæðrar sjálfsmyndar
ýmsum áhættuþáttum í lífi ungmenna
Nemandi skal hafa öðlast leikni í að:
nota snjalltæki til að skipuleggja æfingatíma
gera fjölbreyttar æfingar
taka tillit til annarra
fylgja fyrirmælum og reglum
þekkja þætti sem hafa áhrif á geðheilsu
Nemandi skal geta hagnýtt þá almennu þekkingu og leikni sem hann hefur aflað sér til að:
velja leiðir til heilsueflingar
bera ábyrgð á skipulagi og framkvæmd eigin líkamsræktar
gera sér grein fyrir eigin líðan
stuðla að góðri geðheilsu
Námsmat er útfært í námsáætlun í samræmi við skólanámskrá