Nemendur vinna með grunnsnið og læra einfaldar sniðabreytingar. Nemendur laga snið að vexti, sauma einfaldar flíkur og máta. Kennd eru grunnformin á líkamanum og einnig flatar teikningar. Nemendur vinna nokkrar prufur í saumtækni. Vettvangsferðir og sýning á verkefnum nemenda.
Engar
Nemandi skal hafa öðlast þekkingu og skilning á:
- Uppbyggingu grunnsniða - Sniðhlutum, þráðrétta og mikilvægi merkinga - Notkun grunnsniða - Saumur á einföldum flíkum - Verklýsingum og flötum teikningum - Saumtækni - Útreikningum á efnismagni - Vönduðum vinnubrögðum
Nemandi skal hafa öðlast leikni í að:
- Vinna ýmsar sniðútfærslur út frá grunnsniðum - Nota heiti sniðhluta og nota merkingar - Útfæra og sauma flíkur eftir málum - Fara eftir verklýsingum - Geta sett hugmyndir sínar á blað - Leggja snið á efni þannig að þráðlína sé rétt og efnið nýtt vel
Nemandi skal geta hagnýtt þá almennu þekkingu og leikni sem hann hefur aflað sér til að:
- Vinna sjálfstætt einfaldar sniðútfærslur út frá grunnsniðum - Sauma einfaldar flíkur eftir grunnsniðum og eigin útfærslum - Vinna eftir verklýsingum - Ákveða efnismagn - Viðhafa vönduð vinnubrögð
Í áfanganum er símat sem byggir á virkni og mætingu, prófum, verklýsingum, prufum og öðrum verkefnum.