námstækni, sjálfsstyrking, starfsfræðsla, stuðningur í námi
Samþykkt af skóla
1
5
Markmið áfanga er að nemendur efli eigin námshæfni með því að fá þjálfun í að beita fjölbreyttum námstækniaðferðum. Áhersla er lögð á sjálfsþekkingu nemenda og að nemendur öðlist leikni í að beita aðferðum sem gagnast þeim til þess að ná auknum árangri í námi. Unnið er markvisst að því að efla sjálfstraust nemenda sem námsmanna og vekja áhuga á námi í framhaldsskóla ásamt því að skoðaðir verða ýmsir þættir sem geta haft áhrif á líðan og námsgengi nemenda.
Nemandi skal hafa öðlast þekkingu og skilning á:
- fjölbreyttum námstækniaðferðum sem geta stuðlað að auknum árangri í námi - hvernig nýta megi tölvur og tækniforrit sér til stuðnings í námi - mikilvægi skipulags- og tímastjórnunar - hvernig eigin hugsanir og líðan getur haft áhrif á námsárangur nemenda - mikilvægi sjálfsþekkingar og markmiðssetningar
Nemandi skal hafa öðlast leikni í að:
- að beita fjölbreyttum námstækniaðferðum - að greina eigin hugsanir, líðan og tilfinningar - að þekkja eigin styrkleika og veikleika - að setja sér markmið
Nemandi skal geta hagnýtt þá almennu þekkingu og leikni sem hann hefur aflað sér til að:
- halda utan um og skipuleggja verkefnavinnu og heimanám - undirbúa sig undir próf og verkefnavinnu - vera meðvitaður um mátt hugsana og leiðrétta hugsanaskekkjur - vinna með bæði veikleika og styrkleika til þess að ná auknum árangri - setja sér markmið og vinna jafnt og þétt til þess að ná þeim
Námsmat er fjölbreytt. Nemendur skila verkefnum og halda vangaveltudagbók. Ekki eru próf í áfanganum. Námsmat byggir á hugmyndum leiðsagnarmats. Nemendur fá skriflega umsögn um verkefni sín, en ekki er gefin einkunn í tölustöfum. Lokaeinkunn er staðið/fallið.