Í áfangum er lögð áhersla á að nemendur lesi sér til ánægju og þroska ásamt þvi að æfast í ritun skapandi verkefna.
Tilgangur áfangans er tvíþættur:
Annars vegar að nemendur kynnist fjölbreyttu úrvali íslenskra og erlendra ritverka.
Hins vegar að nemendur skrifi eigin texta, æfist í yfirlestri eigin verka sem og annarra á gagnrýninn hátt.
Nemendur geta valið um að hafa vægi lestrar og ritunar jafnt eða að leggja meiri áherslu á annan þáttinn.
Umræður eru mikilvægur þáttur í áfanganum.
ÍSLE2MG05 Málsaga- og goðafræði eða að hafa lokið íslensku á öðru þrepi.
Nemandi skal hafa öðlast þekkingu og skilning á:
mikilvægi lestrar
mismunandi tegundum ritverka og uppbyggingu þeirra
einkennum íslensks máls sem nýtast við ritun
Nemandi skal hafa öðlast leikni í að:
greina aðalatriði texta og beita bókmenntahugtökum í umfjöllun um ritverk
beita gagnrýninni hugsun við úrvinnslu og túlkun
taka þátt í málefnalegum umræðum um bókmenntir
taka við gagnrýni á eigin verk og vinna úr henni
beita markvissum vinnubrögðum við ferilsritun
skilja og nota viðeigandi stílbrögð og menningarlegar vísanir í ritmáli
Nemandi skal geta hagnýtt þá almennu þekkingu og leikni sem hann hefur aflað sér til að:
dýpka skilning sinn á ritverkum
auka og bæta málskilning og orðaforða
beita málinu á árangursríkan hátt í ræðu og riti
efla hæfni sína til skapandi skrifa og öðlast trú á eigin getu
skrifa skýran og vel uppbyggðan grípandi texta og velja ritstíl eftir aðstæðum
Námsmat byggir á leiðsagnarmati þar sem nemendur fá endurgjöf á það sem vel er gert ásamt ábendingum um það sem betur má fara.