Markmið áfangans er að nemendur þjálfist í lestri, lesskilningi og framsögn. Þeir lesa eina skáldsögu og vinna verkefni tengd henni. Einnig skrifa þeir ýmsa nytjatexta.
Ritun: Nemendur vinna skrifleg verkefni og þjálfast í að semja innihaldsríkar málsgreinar. Einnig verður fjallað um byggingu efnisgreina og ýmiss konar nytjatexta.
Lestur: Nemendur lesa eina skáldsögu.
Málnotkun: Nemendur þjálfast í að beita tungumálinu með því að skrifa um hugðarefni sín, fjalla um bókmenntir og að mynda sér skoðun á þeim.
Framsögn: Nemendur þjálfast í að koma fram fyrir hóp, flytja verkefni og tjá skoðanir sínar.
C+ í grunnskólaeinkunn eða ÍSLE1LR05
Nemandi skal hafa öðlast þekkingu og skilning á:
- grunnhugtökum í ritgerðasmíð helstu málfræðihugtökum og ritreglum sem nýtast í tal- og ritmáli - orðaforða umfram það sem tíðkast í talmáli - mismunandi lestraraðferðum - nokkrum tegundum bókmennta og nytjatexta - helstu hugtökum sem nýtast við umfjöllun um bókmenntir
Nemandi skal hafa öðlast leikni í að:
- skrifa ýmsar tegundir nytjatexta í samfelldu máli þar sem framsetning er skýr og skipulögð - nota leiðréttingarforrit og önnur hjálpargögn til að lagfæra eigin texta - nýta algengustu hugtök í málfræði til að bæta eigin málfærni - beita mismunandi blæbrigðum og málsniði í tal- og ritmáli - taka saman og flytja stuttar endursagnir, lýsingar og kynningar á afmörkuðu efni - lesa sér til gagns og gamans texta sem gera nokkrar kröfur til lesenda - skilja algengt líkingamál og orðatiltæki
Nemandi skal geta hagnýtt þá almennu þekkingu og leikni sem hann hefur aflað sér til að:
- semja stutta texta af ýmsu tagi með viðeigandi málfari - beita einföldum blæbrigðum í málnotkun til að forðast einhæfni og endurtekningar - nýta algeng stílbrögð til að leggja áherslu á orð sín - halda uppi samræðum og rökstyðja eigin fullyrðingar, ákvarðanir eða skoðanir á málefnalegan hátt - túlka og meta atburðarás og persónur í bókmenntum eða annars konar textum - sýna þroskaða siðferðisvitund og víðsýni í málflutningi sínum, umfjöllunum og verkum
Áfanginn er símatsáfangi með mörgum smærri verkefnum og prófum.