Alþjóðahagfræði. Hugmyndir og kenningar um milliríkjaviðskipti og alþjóðlega samvinnu, þar á meðal skipulag heimsviðskipta og samspil afla í því. Farið er í hver áhrifin verða þegar tollar eru settir á vörur og þjónustu. Þá er farið í að skoða heildareftirspurn og heildarframboð í hagkerfum. Alþjóðlegar stofnanir og samtök eru kynnt og áhrif þeirra á íslensk efnahagsmál (Evrópusambandið og Sameinuðu þjóðirnar). Til umfjöllunar eru einkenni fjölþjóðafyrirtækja og alþjóðleg gjaldeyrisviðskipti, gjaldeyrismarkaðir, samningar um fríverslun, viðskipti við lönd utan EES, viðskipti milli ríkra þjóða og fátækra, algjörir og hlutfallslegir yfirburðir í milliríkjaviðskiptum.
HAGF2RH05
Nemandi skal hafa öðlast þekkingu og skilning á:
meginkenningum í alþjóðlegri hagstjórn
samsetningu heimsviðskipta
áhrifum alþjóðasamtaka og bandalaga á efnahag Íslands
þýðingu útflutnings og innflutnings fyrir þjóðarhag
hlutverki alþjóðlegs peningakerfis og bankakerfis
mikilvægi utanríkisviðskipta og gengisþróunar
hvernig reikna má viðskiptakjör
stöðu Íslands í heimsviðskiptaumhverfi
samspili alþjóðlegra stofnana og aðila
áhrifum tolla á innflutning
Nemandi skal hafa öðlast leikni í að:
greina stöðu Íslands í samfélagi þjóðanna
skilgreina viðskiptakjör, greiðslujöfnuð, afgang eða halla
útskýra þýðingu alþjóðlegrar fjárfestingar
skilja hvernig alþjóðleg efnahagsmál þróast
sjá áhrif ESB á efnahagsmál Íslands
lýsa heildarstraumum í utanríkisviðskiptum
greina alþjóðlegan peningamarkað og vaxtakjör
greina áhrif viðskiptakjara á verðbólgu og atvinnustig
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með meginatriði í utanríkisviðskiptum þjóðarinnar, skilgreina stöðu og horfur Íslands skv. gögnum, t.d. þjóðhagsreikningum, ennfremur að greina hvernig hið alþjóðlega bankakerfi virkar og greina frá hlutverki inn- og útflutnings
skilja hvernig helstu hagstjórnartæki eru notuð hvað varðar utanríkisviðskipti og alþjóðasamskipti og vinna með innlenda og erlenda markaði fyrir vörur í heild og meta áhrif þeirra á ástand vinnumarkaðs
lesa úr línuritum og notfæra sér internetið til öflunar hagfræðilegra upplýsinga