Nemandi öðlist þekkingu á vali á rafbúnaði og geti annast tengingar á lág og smáspennulögnum. Nemandi geti með mælitækjum fundið bilanir í raflögnum og gert við þær. Hann læri að framfylgja kröfum viðskiptavina og geti sýnt leikni í samskiptum við þá. Nemandi geti veitt viðskiptavinum nauðsynlega ráðgjöf um val og staðsetningu rafbúnaðar bæði lágspennu og smáspennu. Nemandi á að fá þjálfun í vinnu við viðgerðir og uppsetningu á mismunandi gerðum raflagna-, öryggis- og stýrikerfa.
Starfsþjálfun 2
Nemandi skal hafa öðlast þekkingu og skilning á:
öryggiskröfum og öryggis á vinnustað
vali á búnaði til nota í raflögnum
mikilvægi fagmannlegra vinnubragða og vandvirkni
Nemandi skal hafa öðlast leikni í að:
meðhöndla og beita handverkfærum og mælitækjum sem þarf að nota við rafvirkjastörf
leggja og tengja raflagnir á fagmannlegan hátt
annast viðgerðir og bilanagreiningu lagna og búnaðar
lesa teikningar og áætla magntölur
leiðbeina viðskiptavinum með faglegum hætti
leita að bilunum í raflögnum og tækjum
Nemandi skal geta hagnýtt þá almennu þekkingu og leikni sem hann hefur aflað sér til að:
velja búnað og töfluskápa í allar almennar lágspennu og smáspennuraflagnir.
geta gert sér grein fyrir heppilegri staðsetningu rafdreifiskápa að teknu tilliti til bestu lagnaleiða
annast bilanaleit og viðgerðir á raflögnum og raftækjun.
sjá um uppsetningu lagna og búnaðar eftir raflagnateikningum
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.