Áhersla verður á andlegt, líkamlegt og félagslegt heilbrigði. Einnig samspil einstaklings, aðstæðna og umhverfis. Notast verður við atburði líðandi stundar sem umræðuefni og sögulegar staðreyndir. Megin áhersla verður á að nemandinn viðhaldi og byggi ofan á þann grunn sem hann býr nú þegar að.
Nemandi skal hafa öðlast þekkingu og skilning á:
hugtökunum heilbrigði og velferð
mikilvægi þess að nýta hæfileika sína
mikilvægi þess að borða hollt og gott
mikilvægi hreyfingar og hvíldar
hugtökunum hollusta, hvíld, hreyfing, hreinlæti, hamingja, hugrekki og kynheilbrigði
Nemandi skal hafa öðlast leikni í að:
skoða og meta eigið heilbrigði og eigin velferð
vinna með öðrum
taka tillit til annarra
sýna samkennd
taka þátt í umræðum og tjá eigin skoðanir
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um styrkleika sína
spyrja spurninga og hlusta á sjónarmið annarra af víðsýni
tileinka sér jákvætt hugarfar
auka eigið heilbrigði og velferð
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.