Heilbrigðisfræði með áherslu á samskipti og samfélag
HBFR1ÉG02
18
heilbrigðisfræði
samskipti og samfélag
Samþykkt af skóla
1
2
AV
Í áfanganum er komið inn á val nemenda varðandi lífsstíl, s.s. markmið menntunar, mataræði, áhugamál, starfsvettvang, menningu og listir. Staða einstaklingsins í fjölmenningarlegu samfélagi verður skoðuð og rædd, m.a. út frá þjóðerni trú og stöðu.
Í áfanganum verður rýnt í eftirfarandi hugtök og unnin verkefni þeim tengdum: Læsi í víðum skilningi, jafnrétti, fordómar, sjálfsmynd, tilfinningar og tjáning. Hugað verður að stöðu karla og kvenna í samfélaginu, fjallað um gagnrýna hugsun og nemendur æfðir í að temja sér hana. Fjallað verður um jafnrétti í tengslum við mismun kynjanna og samskipti, sjálfsmynd og sjálfsvitund. Unnið verður með samskipti, eigin hegðun og framkomu og hversu mikilvægt það er að geta átt ábyrg og farsæl samskipti við aðra.
Nemandi skal hafa öðlast þekkingu og skilning á:
jafnréttishugtakinu í víðum skilningi s.s út frá búsetu, kynþætti, fötlun, trúarbrögðum, aldri, kynhegðum ofl.
hvað það þýðir að vera virkur og ábyrgur þátttakandi í lýðræðissamfélagi og mikilvægi þess að vera þátttakandi í að skapa fordómalaust samfélag
áhrifum jafnréttisbaráttunnar, stöðu karla og kvenna í íslensku samfélagi fyrr og nú
kynlífi, barneignum, getnaðarvörnum, kynsjúkdómum og foreldrahlutverkinu
mikilvægi þess að hlúa að sjálfum sér s.s. með almennri umhirðu líkamans, líkamsþjálfun, næringu og geðrækt
áhrifum góðrar sjálfsmyndar á eigið geðheilbrigði
sjálfum sér sem kynveru og ábyrgðinni sem því fylgir
Nemandi skal hafa öðlast leikni í að:
lifa heilbrigðu lífi á eigin forsendum
skilja eigin þarfir, muninn á réttu og röngu og geti tekið ákvarðanir í samræmi við það
gagnrýnni hugsun og merkingu hennar fyrir einstaklinginn
átta sig á að til eru mismunandi leiðir í samskiptum og samstarfi
Nemandi skal geta hagnýtt þá almennu þekkingu og leikni sem hann hefur aflað sér til að:
beita gagnrýnni hugsun s.s. með læsi á ýmsa miðla; fjölmiðla, kvikmyndir, netsamfélög o.fl.
eiga í félagslegum samskiptum og tala um tilfinningar sínar og reynslu
átta sig á að allir eru misjafnir og það verður að virða hvern og einn fyrir það sem hann er/stendur fyrir
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.