Það kom upp villa senda inn  Áfangi

    Áfangi Nánari upplýsingar


    Búið til: 1507902777.57

    Íslenska með áherslu á lýðræði og mannréttindi
    ÍSLE1ÁL03
    102
    íslenska
    læsi, lýðræði, mannréttindi og bókmenntir
    Samþykkt af skóla
    1
    3
    AV
    Unnið verður með alla þætti íslenskunnar og grunnþátturinn lýðræði og mannréttindi verður hafður að leiðarljósi. Notaðar verða aldursmiðaðar bókmenntir sem gefa fjölbreytta sýn á aðstæður og umhverfi ungs fólks. Fjölbreytt verkefni verða nýtt í kennslunni. Nemendur verða hvattir til að velta fyrir sér hugtakinu lýðræði og taka afstöðu til siðferðilegra álitamála, s.s. mannréttinda, samábyrgðar, meðvitundar og virkni borgaranna til þátttöku í að móta samfélag sitt og hafa áhrif. Megin áhersla verður á að nemendur viðhaldi og byggi ofan á þann grunn sem þeir búa nú þegar að.
    Nemandi skal hafa öðlast þekkingu og skilning á:
    • hugtökunum lýðræði og mannréttindi
    • fjölbreytileika lýðræðis og mannréttinda
    • samhenginu á milli réttinda og skyldna
    • að í lýðræðisríki eiga borgarnir að búa við mannréttindi og komast að samkomulagi
    • mikilvægi þess að eiga valmöguleika
    Nemandi skal hafa öðlast leikni í að:
    • átta sig á fjölbreytileika samfélagsins og mismunandi menningarheimum
    • að beita gagnrýnni hugsun
    • virða skoðanir annarra
    • taka þátt í umræðum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skilja þá hugsun sem felst í hugtökunum lýðræði og mannréttindi
    • spyrja spurninga og hlusta á sjónarmið annarra af víðsýni
    • átta sig á tengingu á milli réttinda og skyldna
    • láta skoðanir sínar í ljós
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.