Unnið er markvisst að lestrarþjálfun og ritun. Nemendur eru þjálfaðir í að rita stuttar og hnitmiðaðar frásagnir um ýmis efni, lesa bækur, tímarit uppflettirit og leita heimilda. Þjálfunin miðast við að nemendur reyni að yfirstíga vanmátt sinn gagnvart lestri og ritun og öðlist trú á eigin getu.
Nemendur þurfa að ráða yfir einhverri/nokkurri lestrargetu.
Nemandi skal hafa öðlast þekkingu og skilning á:
mismun á persónulegum skrifum og heimildaskrifum
uppbyggingu texta í frásögnum, sendibréfum og skeytum
að það sem skrifað er á netið er erfitt að afturkalla
að ábyrgð fylgir því sem maður skrifar og sendir frá sér
mikilvægi gagnrýninnar hugsunar á ritvellinum
Nemandi skal hafa öðlast leikni í að:
lesa sér til gagns og leita upplýsinga
rita stutta og skýra texta
átta sig á að heimildir á netinu eru mis áreiðanlegar
nýta sér nýjan orðaforða til ritunar
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér lestur og ritun í daglegu lífi til gagns og gleði
spyrja spurninga og ígrunda mismunandi sjónarmið af víðsýni
láta skoðanir sínar í ljós og rökstyðja þær
Í áfanganum er viðhaft leiðsagnarmat með símati alla önnina. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.