Íslenska með áherslu á lestur, framsögn og tjáningu
ÍSLE1FT04
103
íslenska
Lestur og tjáning
Samþykkt af skóla
1
4
AV
Unnið er markvisst að lestrarþjálfun af bókum, dagblöðum og tímaritum Nemendur lesa sögur, ljóð fréttir og blaðagreinar. Þjálfunin miðast við að nemendur reyni að segja skipulega frá því sem þeir lesa, greina aðalatriði og bæti framsögn. Einnig að tjá persónulegt álit sitt og hugrenningar um viðfangsefnin.
Nemendur þurfa að ráða yfir einhverri/nokkurri lestrargetu.
Nemandi skal hafa öðlast þekkingu og skilning á:
mismunandi gerðum af texta
uppbyggingu texta í mismunandi ritunarformi
mikilvægi tjáningar í daglegu lífi
Nemandi skal hafa öðlast leikni í að:
lesa sér til gagns og greina aðalatrið frá aukaatriðum
tjá sig munnlega um innihald texta
nýta sér og/eða tileinka sér nýjan orðaforða
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér prentmiðla til gagns og gleði
spyrja spurninga og ígrunda mismunandi sjónarmið af víðsýni
láta skoðanir sínar í ljós og rökstyðja þær
eflast og auka sjálfstraust sitt
Í áfanganum er viðhaft leiðsagnarmat með símati alla önnina. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.