Meginmarkmið áfangans er að auka grundvallarfærni nemenda í tungumálinu og lögð sérstök áhersla á lestur og skilning. Einnig verður mikil áhersla lögð á námstækni og að nemendur tileinki sér að notast við orðabækur, sér í lagi stafrænar. Unnið er að því að rifja upp og byggja ofan á þá kunnáttu og færni sem nemendur hafa þegar og unnið að því að byggja upp orðaforða tengdan áhugamálum og hugsanlegum framtíðar-starfsvettvangi. Notast verður við námsefni úr almennum áföngum í VMA (ENSK2LS05, ENSK2MK05 og ENSK2RM05) eftir getu og áhuga hvers og eins og á þeim hraða er hentar hverjum og einum. Einnig verða notaðar valdar skáldsögur af bókasafni skólans.
ENSK1UB3, ENSK1HA03 eða ENSK1LO05
Nemandi skal hafa öðlast þekkingu og skilning á:
helstu undirstöðuatriðum í enskri málfræði
þverfaglegum orðaforða til hagnýtra nota
almennum rauntextum og einföldum bókmenntaverkum
helstu menningarsvæðum þar sem enska er fyrsta mál
Nemandi skal hafa öðlast leikni í að:
byggja upp og bæta orðaforða sinn með ýmsum aðferðum sem hentar hverjum og einum
beita grunnreglum enskrar málfræði í tali og ritun
lesa fjölbreyttar gerðir texta
að tjá sig um almenn málefni með viðigandi orðalagi, munnlega og skriflega
hlusta eftir upplýsingum, bæði í samtali sem og útvarps- eða sjónvarpsefni
nota upplýsingatækni og hjálpargögn í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
nýta orðaforða sinn á skýran og skilmerkilegan hátt í tal- og ritmáli
tileinka sér aðalatriðin í stuttum tímarits- eða blaðagreinum
beita grundvallaratriðum enskrar málfræði í tal- og ritmáli
taka þátt í umræðum
Í áfanganum er viðhaft leiðsagnarmat með símati alla önnina. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.