Áhersla er á upplýsingalæsi í víðu samhengi og nemendur fá að kynnast ýmsum hliðum sem snúa að upplýsingatækni. Farið verður í grunnatriði í tölvumálum, reglur sem gilda í tölvusamskiptum og umgengni við tölvukerfi skólans. Nemendur verða látnir tileinka sér Innu og Moodle jafnt og þétt yfir önnina. Áhersla verður á að efla færni nemenda í vinnu með ritvinnsluforrit, glæru-/kynningarforrit og reikniforrit. Einnig verða smáforrit sem hægt er að nálgast á netinu skoðuð og nemendur vinna í þeim ýmis verkefni. Farið verður í myndbanda og myndvinnslu.
Nemandi skal hafa öðlast þekkingu og skilning á:
að tölvur eru stór hluti af daglegu lífi okkar
mikilvægi þess að fylgja ákveðnum umgengisreglum við tölvunotkun
því að vanda tölvusamskipti eins og önnur samskipti
mikilvægi þess að kunna að setja upp aðgengilegan texta, skjöl og ýmsar kynningar
Nemandi skal hafa öðlast leikni í að:
að greina á milli þess hversu áreiðanlegar upplýsingar eru á netinu
að nýta sér netið á öruggan og ánægjulegan hátt
vinna með ýmis tölvuforrit
tjá sig á viðeigandi hátt í gegnum tölvusamskipti
Nemandi skal geta hagnýtt þá almennu þekkingu og leikni sem hann hefur aflað sér til að:
lesa í og/eða nýta sér upplýsingar sem koma fram á síðum um örugga netnotkun
auka sjálfstraust sitt og trú á eigin tölvulæsi
lesa í mismunandi tölvuumhverfi í þeim tilgangi að átta sig á hvað er viðeigandi hverju sinni
lesa í leik- og samskiptareglur
senda frá sér vel upp sett skjöl og ritaðan texta á skilmerkilegan og snyrtilegan hátt
Í áfanganum er viðhaft leiðsagnarmat með símati alla önnina. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.