Í áfanganum er lögð áhersla á fjármálalæsi í víðu samhengi. Farið verður yfir helstu persónulegu útgjöld í lífi ungs fólks, heimilisbókhald og gildi þess að halda utan um eigin fjármál. Stefnt er að því að viðhalda og byggja ofan á þann grunn sem nemandi hefur þegar tileinkað sér.
Nemandi skal hafa öðlast þekkingu og skilning á:
mikilvægi réttinda og skyldna neytenda
mikilvægi þess að hafa yfirsýn yfir eigin útgjöld og tekjur
virkni greiðslukorta
að stundum þarf að forgangsraða í fjármálum
Nemandi skal hafa öðlast leikni í að:
lesa á launaseðil eða tryggingaryfirlit
byggja upp sparnað á einfaldan og hagkvæman hátt
standa við þær skuldbindingar sem viðkomandi hefur sett sig í
Nemandi skal geta hagnýtt þá almennu þekkingu og leikni sem hann hefur aflað sér til að:
halda utan um eingin fjármál með eða án aðstoðar
átta sig á tengingunni milli réttinda og skylda
Í áfanganum er viðhaft leiðsagnarmat með símati alla önnina. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.