Það kom upp villa senda inn  Áfangi

    Áfangi Nánari upplýsingar


    Búið til: 1507993532.21

    Bílprófsundirbúningur - Bóklegur
    BÍLP1BÓ01
    1
    Bílprófsundirbúningur
    Mannlegur þáttur ökunáms, bíllinn og umhirða hans, umferðarmerki, umferðarreglur, umferðin og vegfarendur
    Samþykkt af skóla
    1
    1
    AV
    Áfanginn miðast við að nemendur geri sér grein fyrir þeirri ábyrgð sem fylgir því að verða góður ökumaður. Nemendur vinna með samskonar námsefni og þeir sem eru í ökunámi. Unnið verður með efnið á sem fjölbreyttastan hátt. Nemendur fylgjast með glærum, námsefni á neti, fyrirlestrum og vinna fjölbreytt verkefni út frá því.
    Nemandi skal hafa öðlast þekkingu og skilning á:
    • skyldum og réttindum ökumanna og vegfarenda almennt
    • umferðarmerkjum, umferðarreglum og umferðarlögum
    • þeirri ábyrgð sem fylgir því að vera góður ökumaður
    • hversu mikil áhrif ökumenn geta haft í umferðinni
    • ástandi bílsins og hvernig mismunandi hlutar bílsins starfa
    • umburðarlyndi, tillitssemi og virðingu fyrir sjálfum sér og öðrum í umferðinni
    • að akstur krefst fullrar athygli allan tímann og að ökumaður sé ávallt viðbúinn
    • almennri skyndihjálp
    Nemandi skal hafa öðlast leikni í að:
    • þekkja skyldur sínar og réttindi í umferðinni
    • gera sér grein fyrir þeirri miklu ábyrgð sem fylgir því að verða ökumaður
    • þekkja umferðarmerkin og hvað þau þýða hverju sinni
    • segja til um hvað umferðarreglur og umferðarlög merkja
    • meta hættur í umferðinni og hvað á að gera þegar slys verða
    • skilja leiðbeiningar frá umferðarmerkingum og merkingum lögreglunnar
    • efla sjálfsmynd sína sem athugull, umburðarlyndur og tillitsamur vegfarandi
    • þekkja merkin þegar bíllinn þarfnast einhvers viðhalds
    Nemandi skal geta hagnýtt þá almennu þekkingu og leikni sem hann hefur aflað sér til að:
    • verða virkur og sjálfstæður ökumaður og ábyrgur í umferðinni
    • geta uppfyllt skyldur sínar og réttindi í umferðinni
    • meta hættur í umferðinni á réttan hátt
    • bregðast við á réttan hátt komi hann á slysavettvang
    • geta nýtt sér umferðarmerki, umferðarreglur og umferðarlög
    • eiga góð samskipti við aðra í umferðinni
    • geta tekið upplýstar ákvarðanir varðandi umferðina
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.