Fjallað verður um ýmis hljóðfæri í máli og myndum og hlustað á tóndæmi sem tengjast efninu. Þekkt sönglög verða valin og sungin og nemendur skapa eigið lag sungið eða leikið. Kynntir verða vinsælir söngleikir eða leikhúsverk þar sem tónlist er í stóru hlutverki og sagt frá tónlistarmönnum sem notið hafa mikilla vinsælda og tónlist þeirra og textar skoðaðir. Sungin verður fjölbreytt tónlist í hópi og ýmsir tónlistarmiðlar skoðaðir.
Nemandi skal hafa öðlast þekkingu og skilning á:
mismunandi hljóðfærum og notkun þeirra
uppbyggingu mismunandi hljómsveita
mikilvægi þess að læra texta
mikilvægi hlustunar og tjáningar
að tjáningarform eru mismunandi
mikilvægi tjáningar og framsagnar
geta upplifað fordómalaust t.d. tóndæmi, leikverk og kvikmyndir
geta tekið þátt í umræðum, myndað sér skoðun og tjáð hana
Nemandi skal hafa öðlast leikni í að:
syngja eða tjá sig og finna áhugasvið innan tónlistar
koma skoðunum sínum á framfæri og taka þátt í umræðum
nýta sér styrkleik sína til tjáningar
þekkja ýmsar stefnur í tónlist
Nemandi skal geta hagnýtt þá almennu þekkingu og leikni sem hann hefur aflað sér til að:
geta hlustað án fordóma á ýmis tóndæmi
geta tjáð öðrum áhugasvið sín varðandi tónlist
geta nýtt sér fjölbreytta miðla til að nálgast efni
vinna í teymi og átta sig á mikilvægi skipulagðra vinnubragða
gera sér grein fyrir mikilvægi skapandi hugsunar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.