Nemendur vinna allir sama verkefnið undir handleiðslu kennara. Nemendur læra að meðhöndla og beita helstu tækjum og vélum sem notuð eru í trésmíði. Nemendur temji sér vönduð vinnubrögð, góða umgengni um vinnustað og læri að gæta fyllsta öryggis.
Nemandi skal hafa öðlast þekkingu og skilning á:
umgengni við tæki sem notuð eru í trésmíði og notkun þeirra
mismunandi viðartegundum
geri sér grein fyrir hættum og slysum sem röng meðferð tækja getur valdið
mikilvægi vandvirkni við smíðar
mikilvægi frágangs og tiltektar á vinnurýminu
Nemandi skal hafa öðlast leikni í að:
beita og nota tæki sem notuð eru í trésmíði á réttan og öruggan hátt
að velja efni sem hentar viðfangsefninu
laga til og sópa vinnurýmið
nota öryggishífar og búnað
Nemandi skal geta hagnýtt þá almennu þekkingu og leikni sem hann hefur aflað sér til að:
forðast slys vegna notkunar véla
vanda sig við vinnu
halda vinnusvæðinu hreinu og snyrtilegu
nota ávallt persónuhlífar og öryggibúnað sem til er ætlast
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.