Nemendur kynnast viðfangsefnum og fagsviði húsasmiða, húsgagnasmiða, málara, múrara, pípulagningamanna og dúklagningamanna og veggfóðrara með hagnýtum verkefnum. Lögð er áhersla á notkun hand- og rafmagnshandverkfæra og eftir atvikum algengustu véla og búnaðar, umhirðu þeirra, notkunarsvið og öryggismál. Nemendur læra jafnframt að vinna skipulega eftir leiðbeiningum og teikningum, gera einfalda efnis- og aðgerðalista og halda vinnuumhverfi hreinu og öruggu. Áfanginn er að mestu verklegur og byggist kennslan á fjölbreyttum verkefnum og styttri kynningum þar sem nemandinn tileinkar sér rétt vinnubrögð og gæðavitund.
Nemandi skal hafa öðlast þekkingu og skilning á:
starfssviði einstakra fagstétta innan bygginga- og mannvirkjagrein.
sérstöðu og skörun verkþátta milli einstakra faggreina.
algengustu faghugtökum sem notuð eru innan hverrar fagstéttar.
mikilvægi fagmennsku og góðs handverks innan atvinnugreinarinnar.
algengustu handverkfærum og tækhum sem notuð eru innan hverrar fagstéttar.
algengustu handmælitækjum og rissverkfærum í atvinnugreininni.
Nemandi skal hafa öðlast leikni í að:
vinna með algengustu handverkfæri og tæki.
gera einfalda efnis- og aðgerðalista eftir teikningum.
Nemandi skal geta hagnýtt þá almennu þekkingu og leikni sem hann hefur aflað sér til að:
beita markvissum verkundirbúningi og haldið góðu skipulagi á verkstað.
fylgja öryggisleiðbeiningum fyrir einstök áhöld og tæki.
velja heppileg verkfæri með hliðsjón af verkefni hverju sinni.
halda vinnustað hreinum og gengið frá áhöldum og tækjum eftir notkun.