Í áfanganum kynnist nemandinn samsetningu einkatölvu. Farið er í byggingarhluta tölvu og hlutverk þeirra. Gengið er frá uppsetningu á stýrikerfi og notendahugbúnaði fyrir tölvu. Farið er í önnur talnakerfi til viðbótar við tugakerfið svo sem tvíundar, áttundar og sextándukerfið (bin, oct og hex). Framkvæmdir eru tölulegir útreikningar í þessum fjórum kerfum og tölum varpað á milli kerfa. Kynnt eru til sögunnar rökrásahlið, tákn þeirra, virkni og bólskar jöfnur.
Hannaðar eru samsettar rökrásir og prófaðar á íhlutum.
Nemandi skal hafa öðlast þekkingu og skilning á:
helstu byggingarhlutum tölvu og helstu hlutverkum þeirra.
helstu stýrikerfi og geta sett þau upp.
helstu notendaforritum.
helstu hugtökum stafrænnar tækni.
talnakerfum sem notuð eru í stafrænni tækni.
helstu reikniaðferðum rökrása.
bólskum-jöfnum sem skilgreina virkni rökrása.
Nemandi skal hafa öðlast leikni í að:
setja saman tölvu úr byggingarhlutum hennar.
forsníða harðan disk.
setja upp stýriforrit.
þekkja og vinna með talnakerfin dec,bin,oct og hex
Skilgreina virkni einfaldra rökrása.
Nemandi skal geta hagnýtt þá almennu þekkingu og leikni sem hann hefur aflað sér til að:
geta borið kennsl á helstu bilanaeinkenni í tölvu.
geta lagt mat á gildi hinna ýmsu hugtaka við mat á afkastgetu tölvu.
bera hæfni til að geta lesið virkni einfaldra rökrása.
geta hannað rökrás út frá skilyrtri virkni.
geta bilanagreint einfaldar rökrásir.
Námsmat er útfært í námsáætlun í samræmi við skólanámskrá.