Í áfanganum kynnast nemendur tölvunetkerfum, mismunandi gerð þeirra, margvíslegri uppbyggingu og þeim búnaði sem þau samanstanda af. Nemendur kynnast virkni tölvuneta með því að tileinka sér netkerfistaðlana OSI og TCP/IP. Höfuðáhersla áfangans er að kenna nemendum grunninn í vélbúnaði tölvunetkerfa, stillingar á búnaði og tengingu milli íhluta þeirra. Nemendur læra einnig að hanna meðalstór netkerfi og skipta stórum kerfum upp í minni.
TNTÆ2GE3
Nemandi skal hafa öðlast þekkingu og skilning á:
íhlutum tölvunetkerfa, skilji tilgang þeirra og virkni.
OSI og TCP/IP líkönunum.
IP vistföngum.
hugtökum og skammstöfunum sem notaðar eru í tölvunetkerfum.
nethögun (topology) tölvulagna.
Nemandi skal hafa öðlast leikni í að:
þekkja notkunarsvið mismunandi tölvustrengja.
meta hvaða nethögun hentar best við hvert tilfelli.
útbúa tölvustrengi og geta gæðamælt þá.
rekja bilanir í netsamböndum.
Nemandi skal geta hagnýtt þá almennu þekkingu og leikni sem hann hefur aflað sér til að:
hanna með vistföngum meðalstór tölvunetkerfi.
velja réttan búnað við uppsetningu á tölvunetkerfi.
setja upp og stillt meðalstórt tölvunetkerfi.
stilla beina (routers) með grunnstillingum.
geta fundið bilanir í tölvunetkerfi.
hafa yfir að ráða nægum orðaforða á efninu til þess að geta rætt um kerfin við aðra tæknimenn.
getað notað áunna tækniensku sér til framdráttar og frekara náms í nýjustu tækni á þessum sviðum.
Námsmat er útfært í námsáætlun í samræmi við skólanámskrá.