Í áfanganum er fjallað um stærri iðntölvur og eiginleika þeirra. Einnig helstu gerðir íhluta iðntölvustýringa og forritun þeirra. Nemendur fá kennslu og þjálfun í forritun iðntölva og notkun forritunartækja og herma í PC-tölvum. Farið er í forritun með flæðimyndum (SFC), ladder og virkniblokkum (FBD). Farið er í uppsetningu reikniblokka hliðrænna stýringa með P reglun og PI og PID reglun kynnt fyrir nemendum. Þá fá nemendur æfingu í að tengja ytri búnað við iðntölvu s.s. skynjara (hliðræna og stafræna).
Nemandi skal hafa öðlast þekkingu og skilning á:
helstu minnisgerðum iðntölva og eiginleikum þeirra, vinnsluhraða og vinnsluferli iðntölva
öllum helstu skipunum stafrænnar- og einfaldrar hliðrænnar virkni
staðlinum EN61131 og notkun hans
staf- og hliðrænum skynjurum
skjalagerð er varða iðntölvustýringar
reglun og stillingu regla
Nemandi skal hafa öðlast leikni í að:
hanna og forrita ýmsa sjálfvirka ferla með iðntölvum
forrita iðntölvur í ladder, virkniblokkum og flæðimyndum
tengja skynjara og aflstýringar við iðntölvur
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa flæðirit fyrir stýringar og forrita iðntölvu samkvæmt því
reikna út og vinna með hliðræna og stafræna ferla
setja upp, forrita og tengja iðntölvur við ytri búnað
velja forritanlegan stýribúnað fyrir rafmótora, hitatæki og ljósabúnað
Námsmat er útfært í námsáætlun í samræmi við skólanámskrá.