Nemendur öðlist vald á teikningalestri á stærri neysluveitum s.s. þjónustu- og iðnaðarveitum allt að 200 Amper. Þá læra nemendur að teikna slíkar veitur; teikna sniðmyndir af gegnumtökum og afstöðumyndir auk grunnmynda. Lögð er áhersla á að nemendur læri að magntölu- og kostnaðartaka ofangreindar veitur. Tölvutæknin er nýtt við gerð raflagnateikninganna seinni hluta áfangans.
RLTK2RK05AR
Nemandi skal hafa öðlast þekkingu og skilning á:
íslenskum staðli um raflagnateikningar fyrir neysluveitur allt að 200A.
heitum og hugtökum raflagnateikninga.
magntöku og kostnaðartöku raflagna.
helstu teikniforritum.
öllum almennum og sértækum teiknitáknum.
teiknireglum og staðalákvæðum varðandi þurra, raka og rykuga staði.
Nemandi skal hafa öðlast leikni í að:
lesa úr raflagnateikningum.
teikna fyrir ofangreindar neysluveitur.
beita tölvuforriti við gerð raflagnateikninga.
Nemandi skal geta hagnýtt þá almennu þekkingu og leikni sem hann hefur aflað sér til að:
velja og ákvarða efni fyrir raflagnir í öllum neysluveitum.
nýta sér minnst eitt teikniforriti sem notað er við gerð teikninga.
velja og ákvarða búnað og raflagnaefni fyrir allar neysluveitur.
magntaka og reikna kostnað á tölvtæku formi fyrir allar neysluveitur.
Námsmat er útfært í námsáætlun í samræmi við skólanámskrá.