Nemendur kunni skil á suðuaðferðum, efni og suðuvírum. Þeir geti metið suðuferlið og öryggisatriði. Soðin verður plötusuða í suðustöðunum PA, PB, PD, PF og PG með pinnasuðu samkvæmt ÍST EN 287-1. Nemandinn læri að skrá grunnatriði suðuferilslýsinga. Færni miðast við C flokk ÍST EN 25 817 um kverksuðu.
Nemandi skal hafa öðlast þekkingu og skilning á:
suðu með rið og jafnstraum
suðu með plús- og mínuspól
suðuaðferðum, afköstum og hagkvæmni
mismunandi aðferðum og hættu á suðugöllum
ljósboga- tómgangsspennu
stöðlum um suður, galla, suðustöðum, hæfnisvottun suðumanna, merkingu rafsuðuvíra ÍST EN 22 553 staðli um merkingar stáls
Nemandi skal hafa öðlast leikni í að:
vinna með suðubúnað
stilla suðuvélar
sjóða saman hluti í ýmsum stöðum
•sjóða mismunandi a-mál
sjóða samkvæmt suðuferli
sjóða í suðustöðum PA, PB og PF
Nemandi skal geta hagnýtt þá almennu þekkingu og leikni sem hann hefur aflað sér til að:
velja hagkvæma suðuaðferð við mismunandi verk
útskýra staðlaðar merkingar pinnasuðuvíra
meta algengustu suðugalla og ástæður þeirra
meta suður út frá stöðluðum kröfum um útlit
flokka suður í gæðaflokka
Námsmat er útfært í námsáætlun í samræmi við skólanámskrá.