Í þessum áfanga fara nemendur í nám á vinnustað og getur nemandinn verið á mörgum vinnustöðum eftir verkefnum en vinnan er samræmd og skipulögð af skóla. Nemandinn á að vinna við neðangreinda verkþætti og skal öðlast þjálfun, leikni og hæfni í að vinna við verkþættina. Vægi verkþátta er eins og greint er hér fyrir neðan. Eftirfylgni með vinnu nemandans á tilgreindum verkþáttum á að vera með ferilbók sem skóli og nemandi fylla inn í eftir framvindu.
Heild vinnustaðanáms í vikum:
Steypt hús ‐ Mótasmíði 8 vikur.
Vinnupallar 1 vika.
Klæðning útveggja 6 vikur.
Þök 5 vikur.
SAMTALS VIKUR: 20
Nemendur hafa lokið fyrri hluta vinnustaðanáms.
Nemandi skal hafa öðlast þekkingu og skilning á:
eiginleikum og vali á réttu klæðningarefni. loftræstum útveggjaklæðningum
eiginleikum og vali á réttri einangrun og frágangi á vindvörn eiginleikum efna sem notuð eru við smíðar á steypumótum
álagskröfum steypumóta t.d. fjarlægðir milli stoða, stífinga og á milli dregara og stoða álagskröfum vegna styrkleika vinnupalla sbr. byggingareglugerð, t.d. um fjarlægðir milli
stoða og dregara, hæð á milli palla, styrk klæðningar, neglingu, staðsetningu á handriði og val á pallaefni vegna loftaundirsláttar
vali á réttum festingum fyrir grindur og klæðningar loftræstingu þaka sbr. byggingarreglugerð
eiginleikum og styrkleikum sperruefnis
Nemandi skal hafa öðlast leikni í að:
smíða vinnuborð, tröppur og búkka
stilla upp kerfismótum og handflekamótum leggja niður steypu í steypumót
smíða hefðbundin steypumót t.d. sökkulmót, botnplötumót, veggjamót , loftamót og stigamót
smíða timburvinnupalla stilla upp vinnupöllum ganga frá þakgluggum smíða þakkanta
ganga frá lektum og klæða útveggi
byggja upp loftræstingu fyrir klædda útveggi ganga frá sperrum í steypumót
stóla sperru á steypta plötu
timburklæða þök, leggja þakpappa og þakjárn
ganga frá rennuböndum, skotrennum, kjöljárni og flastningum
Nemandi skal geta hagnýtt þá almennu þekkingu og leikni sem hann hefur aflað sér til að:
velja efni út frá styrkleikakröfum
meta burðarhæfni grunna m.a. vegna smíði steypumóta
mæla út fyrir mannvirkjum (húsum) skv. mæliblaði eða með uppgefnum afsetningarpunktum og taka hæð (skv. hæðarkvótum)