Nemandi læri að undirbúa og sjóða með hlífðargassuðu í mismunandi málma í þykktunum 1mm upp í 8mm. Þeir geti valið þá hlífðargassuðu sem hentar og soðið í PA-PB-PG og PF. Þeir læri að gera ráð fyrir kypringu við suðu og þekkja ráðstafanir til að jafna þær út. Þeir þekki til notkunar bakgass og hvaða áhrif það hefur á suðu. Nemandinn geti skipulagt suðuvinnu með tilliti til gæða, öryggis og umhverfisþátta og eftir suðuferilslýsingu. Þeir þekki til ÍST EN 25 817.
MLSU1RS03 og MLSU1LS03
Nemandi skal hafa öðlast þekkingu og skilning á:
Suðubúnaði notuðum við hlífðargassuðu
Hlífðargasi notkun þess og eiginleikum
Vali á réttu magni af hlífðargasi fyrir suðugerð
Yfirborðsmeðhöndlun efna fyrir og eftir suðu
Vali á rúlluvír í MIG/MAG og skautum í TIG suðum eftir málmum og suðuaðferðum
Umhverfismálum og öryggismálum við hlífðargassuðu
Nemandi skal hafa öðlast leikni í að:
Notkun suðubúnaðar til hlífðargassuðu
Vali á viðeigandi suðuaðferð
Vali á viðeigandi rúlluvír, ífyllivír og suðuskautum
Hulsustærðir á suðustútum og stillingu á gasflæði í samræmi við það
Suðu á mismunandi suðustöðum
Notkun suðuferilslýsinga
Nemandi skal geta hagnýtt þá almennu þekkingu og leikni sem hann hefur aflað sér til að:
Sjóða sama með hlífðargassuðu mismunandi vinnustykki
Velja eftir efni og aðstæðum hentuga suðutegund og aðferð
Fylgja og skrá suðuferla
Fylgja reglum um umhverfis- og öryggismál
Námsmat er útfært í námsáætlun í samræmi við skólanámskrá.