Nemandi kunni að beita þekkingu úr fyrri rafsuðaáfanga til að velja suðustyrk, suðuaðferð og rafsuðupinna sem hentar þeirri suðuaðferð sem efni og aðstæður krefjast. Þeir kunni suðuaðferðir fyrir suðustöðurnar PA-PB-PC-PD-PE-PF og PG. Velji rétta rafsuðupinna samkvæmt suðuferlum, læri að greina og skrá grunn suðuferla. Unnið er samkvæmt suðustaðli ÍST EN 287-1 og ÍST EN 25 817.
MLSU2MI03
Nemandi skal hafa öðlast þekkingu og skilning á:
Hvaða suðuaðferðir henta ákveðnum suðustöðum.
Val á pólun sem hentar suðustöðu, efni og pinna.
Val á rafsuðupinna sem hentar með tilliti til afkasta og styrks.
Mati á suðugöllum og áhrifum þeirra.
Mun á suðuspennu og tómgagnsspennu.
Stöðlum um suður, galla og hæfnisvottun og staðla fyrir rafsuðupinna og stál IST EN 22 553.
Nemandi skal hafa öðlast leikni í að:
Uppstillingu á suðustykki.
Mati á hentugum suðuaðferðum.
Mati á hentugum rafsuðupinnum með tilliti til styrks og afkasta.
Suðuaðferðum miðað við fastar stöður.
Mati á suðugæðum.
Nemandi skal geta hagnýtt þá almennu þekkingu og leikni sem hann hefur aflað sér til að:
Meta og framkvæma bestu suðu við mismunandi verk.
Kunni að forðast algengustu suðugalla.
Kunni að meta suður og flokka þær í gæðaflokka.
Námsmat er útfært í námsáætlun í samræmi við skólanámskrá.