Lögð er áhersla á að nemendur fái þjálfun í útreikningum á RLC-rásum varðandi riðstraumsviðnám, samviðnám, spennuföll og fasvik bæði í hliðtengdum og raðtengdum rásum. Læri um desíbelútreikninga og notkun þeirra. Læri um helstu síur og hvernig hægt er að búa þær til úr RLC-rásum og framkvæma útreikninga á þeim. Auk þess skulu nemendur kynnast umhverfisháðum viðnámum og táknum fyrir þau. Nemendur framkvæma einnig mælingar á síum og öðrum RLC rásum bæði með hjálp mælitækja og hermiforrits.
RAFM2GA05BR
Nemandi skal hafa öðlast þekkingu og skilning á:
hvernig riðstraumsrásir með spólum og þéttum hegðar sér við breytilega tíðni.
virkni helstu sía.
virkni umhverfisháðra viðnáma.
desíbelútreikningum og lógaritmískum kvarða.
Nemandi skal hafa öðlast leikni í að:
framkvæma alla helstu reikninga í rað- og hliðtengdum RLC-rásum.
segja til um hvernig viðám og fasvik svona rása breytist með tíðni.
tengja og mæla í RLC-rásum.
reikna/hanna einfaldar síur.
Nemandi skal geta hagnýtt þá almennu þekkingu og leikni sem hann hefur aflað sér til að:
tengja eftir teikningu og mæla í RLC-rásum bæði raðtengdum og hliðtengdum.
hanna einfaldar síur með þéttum viðnámum og spólum og gera á þeim mælingar.
gera mælingar á RLC- rásum yfir ákveðið tíðnisvið og geta sett niðurstöður fram í desíbelum og í lógaritmískum kvarða.
nýta sér hermiforrit til mælinga á rásum.
geta sett niðurstöður mælinga fram í skýrsluformi.
Áfanginn byggir á verkefnastýrðu námi. Í símati eru að lágmarki 5 matsþættir. Lágmarkslokaeinkunn er 5.