Í áfanganum kynnast nemendur samsetningu einkatölvu. Farið er í byggingarhluta tölvu og hlutverk þeirra. Gengið er frá uppsetningu á stýrikerfi og notendahugbúnaði fyrir tölvu. Sett er upp sýndarvél með Linux stýrikerfi. Unnið er með grunnskipanir í Linux. Einnig kynnast nemendur uppsetningu á stýrikerfi fyrir smátölvuna Raspberry Pi, tengjast henni remote ásamt grunnatriðum í að stýra GIPO, inn- og útgangspinnum hennar. Nemendur kynnast rökhugtökum, helstu hliðum og mismunandi talnakerfum. Nemendur læri Boole-framsetningu og teiknistaðla. Kynntar eru reikniaðferðir rökrása og kóðar. Nemendur læra að nota sannleikstöflur og bólskar-jöfnur til að skilgreina virkni rökrása.
Grunnskóli með einkunnina B í íslensku, ensku og stærðfræði.
Nemandi skal hafa öðlast þekkingu og skilning á:
helstu byggingarhlutum PC og Raspberry PI tölva og helstu notkunarmöguleikum þeirra
helstu stýrikerfum og uppsetningu
helstu notendaforritum
vinnu í terminal og command promt umhverfi
helstu hugtökum stafrænnar tækni
talnakerfum í stafrænni tækni
helstu reikniaðferðum rökrása
bólskum-jöfnum sem skilgreina virkni rökrása
Nemandi skal hafa öðlast leikni í að:
setja saman PC tölvu
forsníða harðan disk og SD-kort
setja upp stýriforrit
vinna með mismunadi talnakerfi
skilgreina virkni einfaldra rökrása
Nemandi skal geta hagnýtt þá almennu þekkingu og leikni sem hann hefur aflað sér til að:
bera kennsl á helstu bilanaeinkenni í tölvu vegna þekkingar á virkni hennar
skilja gildi hinna ýmsu hugtaka við mat á afkastagetu tölvu
tengjast tölvum remote
lesa virkni einfaldra rökrása
hanna rökrás út frá skilyrtri virkni
bilanagreina einfaldar rökrásir
Áfanginn byggir á verkefnastýrðu námi. Í símati séu að lágmarki 5 matsþættir. Lágmarkslokaeinkunn er 5.