Nemendum eru kynntar öryggiskröfur á vinnustað og mikilvægi þeirra. Nemendum skal gerð grein fyrir hættum sem geta verið samfara vinnu við rafmagn. Nemendur öðlast reynslu í viðgerðum og viðhaldi á ýmisskonar rafeindabúnaði og fá þjálfun í góðum frágangi og fagmannlegum vinnubrögðum. Nemendur nái tökum á og skilji virkni þeirra rása og tækja sem þeir vinna við og geti bilanagreint, skipt um íhluti og gert við. Nemendur fá þjálfun í teikningalestri og að rekja signalleiðir og beitingu mælitækja við bilanaleit og stillingu á rafeindabúnaði og þjálfast í notkun helstu handverkfæra þar að lútandi.
Nemandi skal hafa lokið 2 önnum (60 einingum) í grunndeild rafiðna.
Nemandi skal hafa öðlast þekkingu og skilning á:
öryggi á vinnustað og notkun hlífa.
mikilvægi góðs frágangs á rafeindabúnaði út frá notkunarsviðum.
mikilvægi þols búnaðar gagnvart ytri aðstæðum.
teikningum og teiknistöðlum í rafeindateikningum.
Nemandi skal hafa öðlast leikni í að:
bilanagreina og lagfæra rafeinda og rafmagnsbúnað af ýmsu tagi í samvinnu við meistara.
gera við einfaldar rafeindarásir og skipta út íhlutum.
vinna sjálfstætt og áætla tíma verkefna.
Nemandi skal geta hagnýtt þá almennu þekkingu og leikni sem hann hefur aflað sér til að:
mæla og bilanagreina rafeindabúnað.
gera við og ganga frá rafeindabúnaði.
teikna og leiðrétta teikningar eftir þörfum.
finna íhluti út frá samanburðartöflum til útskiptingar á biluðum íhlutum.
starfa sjálfstætt og vinna með fagfólki.
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.