Starfsnámið fer fram innan veggja vinnustaðar sem nemandinn hefur valið í samráði við starfsfólk sérnámsbrautar. Við starfið fær nemandinn þann stuðning sem hann þarf á að halda en unnið er að því að styrkja hann í sjálfstæðum vinnubrögðum.
Nemandi skal hafa öðlast þekkingu og skilning á:
Fjölbreyttum vinnustöðum.
Fjölbreyttum starfsheitum.
Mikilvægi þess að fara út á vinnumarkaðinn að skóla loknum.
Nemandi skal hafa öðlast leikni í að:
Fylgja öryggisreglum á vinnustað.
Velja sér vinnustað út frá raunhæfum markmiðum.
Mæta til vinnu á réttum tíma.
Fylgja fyrirmælum.
Fylgja hreinlætisreglum á vinnustað.
Fylgja samskiptareglum á vinnustað.
Nemandi skal geta hagnýtt þá almennu þekkingu og leikni sem hann hefur aflað sér til að:
Tilheyra starfsmannahópi.
Taka þátt í atvinnulífinu.
Hafa yfirsýn yfir mismunandi störf og starfsvettvang.
Þekkja mismunandi starfsheiti og átta sig á hlutverkum sem felst í þeim.