Í áfanganum er farið í að tengja vöðvafræðina við beitingu í styrktarþjálfun. Kenndar eru nokkrar grunnæfingar styrktarþjálfunar í tækjasal og skoðað hvernig vöðvahópar vinna saman og hvernig virkja má einangraða vöðvahópa með tæknilegri útfærslu æfinganna. Rifjuð eru upp hugtök úr vöðva- og hreyfifræðinni og er þeim beitt við útfærslu æfinga með styrktarþjálfunaráhöld. Farið er yfir hvernig má fyrirbyggja álagsmeiðsli með réttri beitingu í þjálfun og hvernig greina skal rangar hreyfingar í algengustu tegundum styrktaræfinga, svo sem hnébeygju, réttstöðulyftu, bekkpressu, róður, niðurtog, upphífingum, rassvöðvaæfingum og kvið- og mjóbaksæfingum.
Vöðva- og hreyfifræði 1
Nemandi skal hafa öðlast þekkingu og skilning á:
Hvaða vöðvar vinna í helstu tegundum styrktaræfinga.
Takmörkunum á einangrun stakra vöðva og vöðvahópa.
Heiti helstu hreyfinga í samræmi við vöðvafræðina.
Mikilvægi réttrar beitingar í styrktarþjálfun.
Helstu æfingum styrktarþjálfunar.
Áhrif styrktarþjálfunar á vöðvamassa og fituforða mannslíkamanns.
Áhrif lífaflfræði á framkvæmd æfinga.
Þekkja mismunandi erfiðleikastig í æfingum og hvernig aðlaga má æfingar að getu hvers og eins.
Nemandi skal hafa öðlast leikni í að:
Skoða beitingu nokkurra styrktaræfinga og meta hvort æfingarnar samræmist markmiði og öryggi skjólstæðinga einkaþjálfarans út frá heilsufarssögu þeirra.
Beita sér í og kenna öðrum að beita réttri tækni í helstu styrktaræfingum.
Nefna þá vöðva sem eru þátttakendur í helstu styrktaræfingum.
Nemandi skal geta hagnýtt þá almennu þekkingu og leikni sem hann hefur aflað sér til að:
Setja upp röð styrktaræfinga með öryggi skjólstæðings og besta árangur fyrir hvert markmið.
Útskýra fyrir skjólstæðing hvernig mismunandi líkamsstaða og afstaða líkamans við áhöld styrktarþjálfunar hefur áhrif á útkomu æfinganna.
Breyta líkamsstöðu og/eða stillingu áhalda til að hafa áhrif á útkomu æfinga og hámarka árangur.
Finna ákjósanlegustu æfingarnar fyrir mismunandi einstaklinga útfrá þörfum viðkomandi.
Þekkja og meta ranga beitingu helstu styrktaræfinga.
Stilla tækjabúnað eftir líkamsstærð skjólstæðinga.
Námsmat byggist á áfangamarkmiðum. Þess skal gætt að námsmat taki til allra þátta námsins m.t.t. þekkingar, leikni og hæfni nemandans. Námsmat er í formi hlutaprófs, lokaverkefnis, verklegt próf eða símats. Lágmarkseinkunn í áfanganum er 7.