Í þessum áfanga er farið ítarlega yfir helstu hugtök næringarfræðinnar: hlutverk og uppbyggingu orkuefnanna, kolvetni, prótein og fita í líkamanum. Tengsl orkuefnanna við innihald matvæla og áhrif á líkamann. Farið yfir öll vítamín, steinefni og snefilefni í líkamanum. Hvaðan þau koma úr matnum, áhrif þeirra í líkamanum, nýtingu næringarefna, uppbyggingu og samspil næringarefna og annarra efna í fæðunni. Mikilvæg hugtök sem tengjast næringarefnunum, meðalþörf, ráðlagðir dagskammtar, efri mörk neyslu og neðri mörk neyslu. Farið er yfir þætti sem hafa áhrif á fæðuinntöku fólks, andlega- og umhverfisþætti sem stjórna áti. Farið yfir mikilvæga útreikninga sem tengjast næringarfræðinni: grunnorkuþörf, heildarorkuþörf, próteinþörf, BMI stuðul og útreikninga á hitaeininga innihaldi matvæla. Einnig verður farið yfir leiðbeiningar fyrir fólk í yfirþyngd og mögulegar hindranir sem þetta fólk er að glíma við í tengslum við mataræði, skammtastærðir, andlega líðan, megrunarkúra og lyfjameðferðir. Í verklegum tímum er lögð áhersla á mismunandi verkefni sem öll miðast af því að nemendur öðlist sjálfstæð vinnubrögð og læri að afla sér vísindalegra upplýsinga til þess að svara næringarfræðilegum spurningum.
Grunnáfangi í næringarfræði
Nemandi skal hafa öðlast þekkingu og skilning á:
Virkni orkuefnanna, kolvetni, prótein og fita og yfirfæra þessa vitneskju sína yfir á mataræði og heilsuhegðun í kringum mat.
Virkni vítamínanna: fituleysanlegu og vatnsleysanlegu og tengja við innihald matvæla og virkni í líkamanum.
Virkni steinefnanna og snefilefnanna og meginvirkni hvers þeirra og viti hvað ráðlagðir dagskammtar standa fyrir, efri og neðri mörk.
Mismunandi orkuþörf fólks og skilning á andlegum og líkamlegum þáttum sem hafa áhrif á matarhegðun.
Mögulegum hindrunum sem fólk í yfirþyngd er að glíma við í tengslum við mataræði og hugsanlegum lausnum við þessum vandamálum.
Nemandi skal hafa öðlast leikni í að:
Meta sértækar þarfir einstaklinga á orkuefnunum: kolvetni, prótein og fitu og gefa ráðleggingar eftir því.
Meta sértækar þarfir mismunandi einstaklinga fyrir vítamín, steinefni og snefilefni og gefa ráðleggingar eftir því.
Yfirfæra sértækar þarfir einstaklinga yfir á hagnýtar ráðleggingar um mataræði, fæðu og dagskipulag neyslu.
Reikna út þau atriði sem tengjast næringarfræðinni.
Taka ábyrgan þátt í samræðum tengda næringarfræðilegum málefnum og geta gagnrýnt þau málefni með vísindalegum rökum.
Nemandi skal geta hagnýtt þá almennu þekkingu og leikni sem hann hefur aflað sér til að:
Bæta eigið mataræði og annarra, geta sett saman og/eða komið með tillögur að breytingum í átt að ákjósanlegu mataræði fyrir sig og aðra.
Tengja þekkingu sína á líkamsstarfsemi og þörfum líkamans á næringarefnum við líðan og árangur í daglegu lífi, starfi og skóla.
Temja sér gagnrýna hugsun og geti þannig tekið þátt í samfélagsumræðunni um mál sem tengjast næringu, kosti og ókosti einstakrar fæðu og mataræðis.
Leita sér viðeigandi heimilda um næringartengd efni og geti komið þeim til skila til skjólstæðinga sinna með ábyrgum hætti.
Greina hvað einstaklingur getur tekið að sér og hvaða málum ber að vísa áfram til sérfræðings.
Námsmat byggist á áfangamarkmiðum. Þess skal gætt að námsmat taki til allra þátta námsins m.t.t. þekkingar, leikni og hæfni nemandans. Námsmat er í formi hlutaprófs, lokaverkefnis eða símats. Lágmarkseinkunn er 7.