Í byrjun áfangans eru endurskoðuð þau markmið sem sett voru fyrr á önninni. Í áfanganum er unnið að sameiginlegu raunhæfu verkefni. Nemendur vinna verkefnaáætlun fyrir stórt samvinnuverkefni sem unnið er með aðferðum reynslunáms. Verkefnið byggir á fyrra námi nemenda og er unnið í samvinnu við nærsamfélagið. Unnið er með umhverfisvitund og virðingu fyrir náttúrunni í verkefnum sem flest eru unnin utandyra. Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
ferli reynslunáms og mikilvægi ígrundunar
gildi samvinnu í úrlausnum verkefna
áætlanagerð
nærumhverfi sínu
Nemandi skal hafa öðlast leikni í að:
finna lausnir í samvinnu við aðra
eiga samskipti við nærsamfélagið
gera áætlanir til að ná markmiðum
greina umhverfi sitt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna verkefni sem nýtist nærsamfélaginu
taka til greina umhverfissjónarmið í áætlanagerð og verkefnavinnu
fylgja áætlun til þess að ná markmiði
aðlaga verkefnaáætlun ef aðstæður breytast
hafa áhrif á umhverfi sitt
Námsmat: Leiðsagnarmat. Áhersla á umsagnir sem leiða nemandann áfram.