Áfanginn er bæði verklegur og bóklegur.
Í áfanganum er lögð áhersla á verklega og fræðilega þætti upphitunar, þols, vöðvastyrks og liðleika fyrir einstaklinginn. Einnig er fjallað um algeng íþróttameiðsl og líkamsbeitingu.
Farið er yfir það helsta sem á sér stað í líkamanum við upphitun og þá kosti sem góð upphitun hefur í för með sér. Fjallað um þol og þolþjálfun og hvernig byggja megi upp og viðhalda þoli. Þá verða nemendum kynntar aðferðir við mælingar á þoli. Farið er yfir mikilvægi vöðvastyrks (krafts) fyrir stoðkerfi líkamans, líkamsbeitingu og líkamsreisn.
Farið er yfir mikilvægi liðleika og liðleikaþjálfunar fyrir líkamann og áhrif liðleikaæfinga á vöðva og liðamót.
Nemandi skal hafa öðlast þekkingu og skilning á:
mikilvægi upphitunar, þol-, styrktar- og liðleikaþjálfunar
hversu mikilvæg forvörn reglubundin hreyfing er fyrir ýmsa andlega og líkamlega sjúkdóma
aðferðum til að fyrirbyggja og meðhöndla meiðsli sem geta komið upp við líkamsrækt og íþróttaiðkun
mikilvægi þess að beita líkamanum rétt, í skóla, á vinnustað og í tómstundum
Nemandi skal hafa öðlast leikni í að:
hita sig upp fyrir mismunandi athafnir
skipuleggja þol, styrktar og liðleikaþjálfun með fjölbreyttum aðferðum
finna og reikna út æfingapúls
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja og leysa af hendi verkefni sem snúa að eigin heilsueflingu
stunda æfingar og leiki sem viðhalda og bæta líkamlega-, andlega- og félagslega líðan
mæla og meta eigið þol, styrk og liðleika
auka skilning sinn á næringarfræðilegum viðfangsefnum
tengja undirstöðuþekkingu í næringarfræði við daglegt líf og sjá notagildi hennar
taka ábyrgð á eigin lífi m.t.t. næringarþarfa og heilbrigði
afla sér frekari þekkingar á sviði næringarfræði, lýðheilsu og hreyfingar
Námsmat byggist á vinnubók sem nemendur skila, svo og verkefnum og einu skriflegu prófi. Auk þess er mæting og virkni metin í verklegum tímum.