Í þessum áfanga er lögð áhersla á að auka enn akademískan og formlegan orðaforða sem undirbúning fyrir framhaldsnám á háskólastigi og atvinnulíf. Vandlegur lestur sérhæfðra texta ásamt viðeigandi orðaforða. Farið yfir helstu atriði akademiskrar ritunar. Hlustun á fyrirlestra og munnleg kynning verkefna í kennslustund. Alþjóðleg stöðupróf kynnt. Farið yfir enska hljóðkerfið. Eitt klassískt skáldverk lesið. Kennsla fer fram á ensku.
ENSK2OR05
Nemandi skal hafa öðlast þekkingu og skilning á:
- almennum fagorðaforða á háskólastigi - orðstofnum, uppruna þeirra og myndun fagorða - helstu menningarsvæðum þar sem tungumálið er notað sem móðurmál eða annað mál - alþjóðlegum matsprófum t.d. TOEFL
Nemandi skal hafa öðlast leikni í að:
- skilja sér til gagns sérhæfða og fræðilega texta - greina megininntak texta, rökfærslu og draga ályktanir - orðmyndun - nýta sér fyrirlestra og umræður um fræðileg efni - tjá sig af öryggi um ýmis málefni - beita ritmálinu í mismunandi tilgangi t.d. með útdráttum, umritun, ritgerð
Nemandi skal geta hagnýtt þá almennu þekkingu og leikni sem hann hefur aflað sér til að:
- nýta sér fræðitexta og leggja gagnrýnið mat á hann - umrita og gera útdrátt úr fræðigreinum eða fyrirlestrum - geta flutt vel uppbyggða kynningu eða greinargerð, dregið fram aðalatriði og brugðist við fyrirspurnum - rita texta með röksemdafærslu með og á móti og hún vegin og metin