Áfanginn er verklegur. Nemendur læra fleiri jógastöður, slökunaraðferðir, hugleiðslutækni og öndunaræfingar. Einnig verður farið dýpra í þá heimspeki sem jóga byggir á og áhersla lögð á núvitund (mindfulness).
ÍÞRÓ2JÓ02
Nemandi skal hafa öðlast þekkingu og skilning á:
mismunandi jógastöðum og öndunaræfingum
ólíkum tegundum af jóga
þeim lífsreglum sem jóga byggir á
Nemandi skal hafa öðlast leikni í að:
auka úthald sitt, styrk og liðleika með fjölbreyttum jógastöðum
beita mismunandi slökunaraðferðum
beita mismunandi öndunaræfingum
sýna aukna einbeitingu
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja og liðka líkamann
viðhalda og/eða bæta líkamlega og andlega heilsu
lifa samkvæmt einhverjum af lífsreglum jóga
vera til staðar í núinu
Fjölbreytt verkefni metin jafnt og þétt yfir önnina þar sem nemendur þurfa að meta eigin skilning, upplifun og framþróun. Engin skrifleg lokapróf.