Nemandi fer í sex vikna vinnustaðanám á viðurkenndum starfsnámsstað. Hann skal kynnast markmiðum, áætlunum, skipulagi og daglegum störfum á vettvangi. Einnig skal hann kynnast starfslýsingum ásamt þeim lögum og reglugerðum sem starfslýsing byggist á. Nemandi skráir dagbók um verkefni áfangans og gerir skýrslu um reynslu sína og viðfangsefni. Í upphafi tímabilsins fær hann kynningu á starfseminni og smám saman verður hann þátttakandi eftir því sem aðstæður leyfa. Jafnhliða námi á vinnustað sækir nemandi vikulega bóklega tíma í skóla þar sem fjallað er um tengingar á milli fræða og fags, t.d. mikilvægi góðra samskipta og hvað einkennir góðan starfsmann, siðareglur eru kynntar ásamt mismunandi starfslýsingum.
Að nemandi hafi lokið a.m.k. helmingi námsins eða 60 - 75 einingum.
Nemandi skal hafa öðlast þekkingu og skilning á:
mismunandi störfum í fiskeldi.
mikilvægi starfslýsinga.
þeim réttindum og skyldum sem starfinu fylgja.
daglegum verkefnum í fiskeldi.
mikilvægi hreinlætis og gæðastýringar í fiskeldi.
mikilvægi gæðahandbókar.
mikilvægi samvinnu í fiskeldi.
Nemandi skal hafa öðlast leikni í að:
greina hlutverk mismunandi starfa í fiskeldi.
fylgja starfslýsingu.
fylgja hreinlætis- og gæðakröfum í fiskeldi.
lesa og fylgja gæðahandbók.
vinna með öðrum að sameiginlegu markmiði.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna einföld störf í fiskeldi.
fylgja hreinlætis- og gæðakröfum í fiskeldi.
vinna með öðrum að sameiginlegu markmiði.
Námsmat fer fram með leiðsagnarmati bæði á vinnustað og í skóla. Nemandi fær munnlega endurgjöf að loknum hverjum degi á vinnustað sem hann skráir niður í dagbók sína og í lok námsins gefa umsjónaraðili starfsnámsins og umsjónarkennari nemanda endurgjöf.