Nemandi fer í átta vikna vinnustaðanám á viðurkenndum starfsnámsstað. Hann skal byggja ofan á þekkingu sína á markmiðum, áætlunum, skipulagi og daglegum störfum á vettvangi. Einnig skal hann kynnast nánar starfslýsingum ásamt þeim lögum og reglugerðum sem starfslýsing byggist á. Nemandi skráir dagbók um verkefni áfangans og gerir skýrslu um reynslu sína og viðfangsefni. Nemandi mun kynnast þeim tækjum og tólum sem notuð eru á vinnustað og þeim öryggiskröfum sem gerðar eru við notkun þeirra. Jafnhliða námi á vinnustað sækir nemandi vikulega bóklega tíma í skóla þar sem fjallað er um tengingar á milli fræða og fags, t.d. mikilvægi góðra samskipta og hvað einkennir góðan starfsmann, siðareglur eru kynntar ásamt mismunandi starfslýsingum.
Að nemandi hafi lokið fyrri áfanga í vinnustaðanámi VIFE2VN10.
Nemandi skal hafa öðlast þekkingu og skilning á:
þeim tækjum og tólum sem notuð eru við fiskeldi og mikilvægi öryggis við notkun þeirra.
mikilvægi starfslýsinga.
þeim réttindum og skyldum sem starfinu fylgja.
daglegum verkefnum í fiskeldi.
mikilvægi hreinlætis og gæðastýringar í fiskeldi.
mikilvægi gæðahandbókar.
mikilvægi samvinnu í fiskeldi.
Nemandi skal hafa öðlast leikni í að:
umgangast þau tæki og tól sem notuð eru í fiskeldi.
fylgja starfslýsingu.
fylgja hreinlætis- og gæðakröfum í fiskeldi.
lesa og fylgja gæðahandbók.
vinna með öðrum að sameiginlegu markmiði.
Nemandi skal geta hagnýtt þá almennu þekkingu og leikni sem hann hefur aflað sér til að:
að umgangast þau tæki og tól sem notuð eru í fiskeldi og fylgja ítrustu öryggiskröfum.
fylgja hreinlætis- og gæðakröfum í fiskeldi.
vinna með öðrum að sameiginlegu markmiði.
Námsmat fer fram með leiðsagnarmati bæði á vinnustað og í skóla. Nemandi fær munnlega endurgjöf að loknum hverjum degi á vinnustað sem hann skráir niður í dagbók sína og í lok námsins gefa umsjónaraðili starfsnámsins og umsjónarkennari nemanda endurgjöf.