Í áfanganum er fjallað um vinnuferla og verklag í fiskeldi. Nemandinn lærir um gerð og mikilvægi vinnuferla og ábyrgð og verklag innan hvers starfs. Nemandinn lærir einnig um skipulag og stjórnun á vinnustað, samstarf og samskipti, áætlanagerð og gæðastýringakerfi. Kennd er notkun hlífðarbúnaðar, meðferð efna og farið yfir notkun hjálpartækja og búnaðar við mismunandi verk. Nemandinn fær kynningu á grundvallaratriðum hollustuhátta og vinnuverndar og lærir um öryggismál á vinnustað.
Nemandi skal hafa öðlast þekkingu og skilning á:
grundvallaratriðum hollustuhátta og vinnuverndar og öryggismálum á vinnustað.
grunnatriðum gæðastjórnunar og verkskipulags.
réttindum og skyldum starfsfólks í fiskeldi.
hlífðarbúnaði og hjálpartækjum í fiskeldi.
mikilvægi vinnuferla í fiskeldi.
Nemandi skal hafa öðlast leikni í að:
nota rétta líkamsbeitingu og viðeigandi hlífðarbúnað í starfi.
nota viðeigandi hjálparbúnað.
leita upplýsinga í reglugerðum um öryggi og vinnuvernd.
vinna eftir mismunandi verkferlum.
Nemandi skal geta hagnýtt þá almennu þekkingu og leikni sem hann hefur aflað sér til að:
fylgja reglum um öryggismál á vinnustað.
vera meðvitaður um eigin ábyrgð og skyldur.
fylgja gæðastýringu/eftirliti.
velja og nota viðeigandi hlífðarbúnað og hjálpartæki í starfi.
Námsmat er í formi leiðsagnarmats sem nánar er útfært í skólanámskrá.